కామారెడ్డిటౌన్, వెలుగు: కామారెడ్డి కలెక్టరేట్‌లో సోమవారం నిర్వహించిన ప్రజావాణిలో 118 ఫిర్యాదులు వచ్చాయి. కలెక్టర్ ఆశిష్ సంగ్వాన్, అడిషనల్ కలెక్టర్లు శ్రీనివాస్రెడ్డి, విక్టర్ ఫిర్యాదులు స్వీకరించారు. ఫిర్యాదుదారులతో మాట్లాడి వివరాలు తెలుసుకున్నారు. ప్రజావాణిలో వచ్చిన ఫిర్యాదులను పరిశీలించి పరిష్కరించాలని అధికారులకు కలెక్టర్ ఆదేశించారు. ఆర్డీవో రంగనాథ్రావు, జడ్పీ సీఈవో చందర్ ఆయా శాఖల జిల్లా అధికారులు పాల్గొన్నారు.
గణతంత్ర వేడుకలు ఘనంగా నిర్వహించాలి
ఈ నెల 26న గణతంత్ర వేడుకలు ఘనంగా నిర్వహించాలని కలెక్టర్ ఆశిష్ సంగ్వాన్ ఆయా శాఖల జిల్లా అధికారులకు ఆదేశించారు. స్టేజీ ఏర్పాటు, ముఖ్య అతిథి ప్రసంగం, సాంస్కృతిక కార్యక్రమాలు, ఉత్తమ ఉద్యోగులకు ప్రశంస పత్రాలు, తదితర కార్యక్రమాలకు సంబంధించి ఏర్పాట్లు చేయాలన్నారు. అడిషనల్ కలెక్టర్లు విక్టర్, శ్రీనివాస్రెడ్డి ఇతర అధికారులు
పాల్గొన్నారు.
